Wednesday, July 6, 2016

थ्व ब्लग हिलेगु सुचं

(ने.सं. ११३६ दिल्ला २)

थ्व च्वसुया माध्यमं छितः थ्व सुचं बीत्यनागु खः कि जिगू थ्व ब्लग "LGBTI Blog in Nepalbhasa यौनिक व लैङ्गिक अल्पसङ्ख्यक" आः Bloggerय् मखुसे Wordpressय् च्वयेत्यनागु खः। छाय् धाःसा Wordpressय् च्वयेगु यक्व Featuresत दु। उकय् या लिङ्क थुगु कथं दु।

https://newalgbtiblog.wordpress.com/

थ्व न्हूगु ब्लगय् धाःसा आः थत्थें छुं च्वयेगु मखु धकाः नं सुचं बिया। नेपालभाषाया प्रचलित लिपि युनिकोडय् वैबलय् निसें न्हूगु ब्लगय् प्रचलित लिपिं हे च्वयेगु ज्वी। प्रचलित लिपि युनिकोडय् मवःतिले तक्क पीमाःगु ज्वी। नापं जिं भाषाविदत नापं स्वापू तयाः समलिङ्गी पारलिङ्गीयातः नेपालभासं छु धायेगु धकाः खँग्व:(शब्द)त क्वःछीत्यनागु नं दु। व खँग्वःत क्वःछिनां न्हूगु ब्लगय् उकेया हे छ्यलाबुला यायेगु मती दु। अथे जुयाः थ्व न्हूगु ब्लगय् च्वसुत पिदनेगु नितिं ई मालेफु।


Saturday, February 20, 2016

फिनल्यान्दय् समलिङ्गी इहिपायातः कानुनी मान्यता

(ने.सं. ११३६ सिल्ला १०)

बुद्धबाः कुन्हु फिनल्यान्दया कानुनय् इहिपाया परिभाषाय् "मिजं मिसाया दथुइ" मखुसे "निम्ह मनूया दथुइ" धकाः तल। थुकें आः समलिङ्गीपिन्सं नं इहिपा याय् दै। थ्व कानुन धाःसा सन् २०१७या मर्चय् तिनि लागु जुइ। फिनल्यान्दया प्रधानमन्त्रीं फेबुररी २०, २०१५य् थ्व कनुनय् ल्हाःचिं तःगु खः। संसदय् थ्व कानुन १०५य् ९२म्हं समर्थन याःगु दु।

Wednesday, February 10, 2016

समलिङ्गी इहिपाया प्रतिवेदन कार्यान्वयन यायेतः सरकारयातः पत्राचार

(ने.सं. ११३६ सिल्ला १)

देय् मिवां(मानवअधिकार) आयोगं सर्वोच्च अदालतया आदेश व समलिंगी इहिपाया प्रति-वेदन कार्यान्वयन यायेगु नितिं सरकारयातः पत्राचार याःगु दु । आयोगं यौनिक व लैङ्गिक अल्पसंख्यकया बिषयय् २०६४ दँ पुष ६ गते सर्वोच्च अदालतं सरकारयातः ब्यूगु आदेश व दच्छि न्ह्यः सरकारयातः ब्यूगु प्रतिवेदन कार्यान्वयन यायेतः पत्राचार याःगु खः ।

Tuesday, January 26, 2016

पारलिङ्गीपिं लिङ्ग परिवर्तन मयायेकं हे ओलम्पिक्सय् ब्वति काय् दत

(ने.सं. ११३६ पोंहेला १७)

देसंदे ओलम्पिक समिति(आइओसि) नं ओलप्किक्स व मेमेगु देसंदे कासाय् पारलिङ्गीपिं लिङ्ग परिवर्तन मयासां ब्वति काय् ज्यूगु नियम देकूगु दु। आइओसि नं तत्कालया सामाजिक, कानुनी व वैज्ञानिक मान्यताया हिसाबं थ्व लिच्वः बियागु धैदिल। थ्व न्हूगु नियमया हिसाबं पारलिङ्गी मिजंत बिना रोकटोक ब्वति काय् फै धाः सा पारलिङ्गी मिसापिं हर्मोन थेरापि यानांतःगु जुइमाः। नोभेम्बरय् स्वीजरल्याण्डया लाउजेन सहरय् च्वङ्गु मुँज्याय् थ्व लिच्वः पिकाःगु खः।

स्रोत:  http://www.theguardian.com/sport/2016/jan/25/ioc-rules-transgender-athletes-can-take-part-in-olympics-without-surgery

Friday, January 22, 2016

युगल पोमो नं देकल 'समलिङ्गी' थिमय् म्युजिक भिडीयो

(ने.सं. ११३६ पोँहेला १२)






म्युजिक भिडीयोय् प्रस्तुतिकरण स्यां नं ल्वःगु पृष्ठभुमिइ खोज यानां म्येँया भावयातः जीवन्त यायेगु कला दूगु व पृथक विषयय् ज्या याय् मंदुम्ह निर्देशक युगल लिम्बुं थुगु पाली तस्कं बोल्ड विषय चयन याःगु दु । वय्‌कःया विषय खः मिजं समलिङ्गी अर्थात 'गे' । समाजय् व्याप्त समलिङ्गी विषययातः एजेण्डा देयेकाः निर्माण याःगु थ्व भिडीयोय् समलिङ्गीयातः समाजं गथे वहिष्कार याःगु दु व उकय्‌या परिणाम छु जुइ धकाः तथ्ययातः मार्मीक कथं क्यंगु दु। भिडीयोय् समलिङ्गीया भुमिकाय् त्रोएस न्यौपाने व बरुण लिम्बुं अभिनय याःगु दु ।
 नापं सुभेक्षा रजक, दिनेश गुरुङ व सुजितं अभिनय याःगु दु। 'म त डुबे' धाःगु म्येँय् चर्चा कमेयाय् ताःलाःगु गायक समिर लिम्बुया 'तिमिले त सजिलै भुलि गयौ' शिर्षकया थ्व म्येँया भिडीयोया छाँयाकार धाःसाअ अर्जुन तिवारी खः धाःसा श्रृंगार सिमा सुब्बां यानादीगु खः । हाल निशान घिमिरें सम्पादन जुयाच्वङ्गु थ्व हट भिडीयो छुं दिं दुने हलिमय् व्यापक कथं रिलिज जुइ धकाः धाःगु दु। म्येँय् संगित प्रमोद मोक्तानया खः । छुं समयया चर्चित स्पाइकि भिजे ताक्कं जूम्ह युगल थ्व भिडीयोपाखें यक्व हे आशावादी जूगु धयादिल ।

Monday, January 18, 2016